पाल्पा, कार्तिक ३० : पाल्पामा सात बर्षिया बालिकालाई बलात्कार गरेको आरोपमा एक जना भारतीय नागरिक पक्राउ परेका छन् । बिहिबार साँझ बालिकालाई बलात्कार गरि भाग्दै गरेको अबस्थामा मियालाई प्रहरीले पक्राउ गरेको हो ।
रामपुर नगरपालिका–४ कि बालिकालाई बलात्कार गरेको आरोपमा भारत बेतियारका २२ बर्षका कौशर मिया पक्राउ परेका हुन । बालिकाको आमा घर आएको थाहा पाए पाएलगतै भागेका मियालाई स्थानीयको सहयोगमा प्रहरीले पक्राउ गरेको हो ।
पक्राउ परेका मियाको जिल्ला प्रहरी कार्यालय पाल्पामा थप अनुसन्धान भैरहेको छ । मियाँ कोठा भाडामा बसेर ज्याला मजदुरी काम गर्दै आएका थिए ।
