बारा, पुस ११ :चोरी मुद्दामा फरार रहेका एक जना अभियुक्तलाई प्रहरीले पक्राउ गरेको छ । पक्राउ पर्नेमा जितपुर सिमरा उपमहानगरपालिका वडा नम्बर–८ का जयनरायण चौधरी रहेका छन् ।
चोरीको अभियोग लगेका चौधरीलाई बारा जिल्ला अदालत कलैयाले २०७३ जेठ १२ गते १ महिना १५ दिन कैद र नगद १९ हजार ८ सय जरिवानाको फैसला गरेको थियो । फैसला पश्चात् चौधरी फरार रहेका थिए ।
ईलाका प्रहरी कार्यालय सिमरा,बाराबाट खटिएको प्रहरी टोलीले आज बुधबार उनलाई लुकी छिपी बसेको अवस्थामा फेला पारी पक्राउ गरेको छ ।
पक्राउ परेका चौधरीलाई जिल्ला अदालतको आदेश बमोजिम तोकिएको कैद भुक्तानको लागी कारागार कार्यालय बिरगंज पठाईएको प्रहरीले जानकारी दिए ।
