धनुषा, कात्तिक ६ : सशस्त्र प्रहरी बल धनुषाका प्रहरी सहायक हवल्दार चन्देश्वर गिरीलाई ११ हजार घुस लिएको अभियोगमा अख्तियार दुरुपयोग अनुसन्धान आयोगले आज मंगलबार पक्राउ गरेको छ ।
नेपाल भारत सीमा क्षेत्रबाट सामान ल्याउन सहज गरिदिने बहानामा सेवाग्राहीसँग घुस मागेको आरोप गिरीमाथि लागेको छ । आयोगका प्रवक्ता रामेश्वर दङ्गालका अनुसार जनकपुर उपमहानगरपालिका–४ कदमचोकबाट उनलाई पक्राउ गरी अनुसन्धान भइरहेको बुझिएको छ ।
