काठमाडौँ, साउन २६ । शैक्षिक प्रमाणपत्र किर्ते गरेको अभियोगमा पक्राउ परेका सांसद सुनील शर्मालाई म्याद थपका लागि सरकारी वकिलको कार्यालय लैजाने क्रममा शर्माका समर्थक र प्रहरीबीच धकेलाधकेल भएकाे छ ।
सांसद शर्माका समर्थकहरुले उनीमाथि दुर्व्यवहार भएको भन्दै सरकारी वकिल कार्यालय परिसरमा नाराबाजी गरेका थिए ।
म्याद थप पछि बाहिरिने क्रममा शर्माले आफूमाथि दुर्व्यवहार भएको बताए पछि समर्थक आक्रोसित बनेका थिए ।
शर्मालाई केन्द्रीय अनुसन्धान ब्युरो (सीआईबी)को टोलीले राजधानीको गोल्फुटारबाट पक्राउ गरेको थियो । पक्राउ पछि सीआईबीको हिरासतमा रात बिताएका उनलाई शुक्रबार दिउँसो भने म्याद थपका लागि सरकारी वकिलको कार्यालयमा उपस्थित गराइएको थियो ।
