काठमाडौं, चैत्त २३ : शनिबार दिउँसो पानीसँगै आएको आँधीहुरीमा परी सर्लाहीमा एक जनाको मृत्यु भएको छ । आँधीहुरीमा परी मृत्यु हुनेमा रामनगर गाउँपालिका–१ का ४५ वर्षीय पनिलाल सहनी रहेको प्रहरीले जनाएको छ ।
स्थानीय राजाराम चौधरीको खाजा पसलको बाँसको टाटी र फुसले छाएको छानो हावाहुरीले उडाएर थिच्दा सहनी गम्भीर घाइते भएका थिए । उनलाई उपचारका लागि सदरमुकाम मलंगवा लैजाँदै गर्दा बाटोमै मृत्यु भएको बुझिएको छ । हावाहुरीका कारण स्थानीयहरूको घरको छाना उडाएको तथा केही घरहरूमा क्षति पुगेको प्रहरीले जानकारी दिए ।
