बर्दिवास, साउन ३ : महोत्तरी जिल्लाको जलेश्वरस्थित गुठी संस्थानका कर्मचारीले सेवाग्राहीबाट ३५ हजार घुस लिएको आरोपमा बिहिबार रंगेहात पक्राउ परेका छन् ।
गुठी संस्थानका कर्मचारी जयकुमार राउत शर्मालाई अख्तियार दुरुपयोग अनुसन्धान आयोगको बर्दिवास कार्यालयबाट खटिएको टोलीले सेवाग्राहीसँग लिएको रकमसहित नियन्त्रणमा लिएको हो । अभियुक्त शर्माले सेवाग्राहीसँग गुठीअन्तर्गतको जग्गाको धितो फुकुवा गराइदिने भन्दै घुस मागेको आयोगले आरोप लगाएको छ ।
