- महेश सिंह महतो
सिरहा, साउन १७: प्रतिबन्धित लागूऔषध गाँजासहित एक महिला पक्राउ परेका छन् । पक्राउ पर्नेमा सिराहा गोलबजार नगरपालिका १२ कि ४२ वर्षीया सिया कुमारी महतो रहेका छन् ।
उनलाई अवैध लागूऔषध गाँजा १ केजि ५ सय ग्रामसहित प्रहरीले पक्राउ गरेको हो ।
विशेष सुचनाको आधारमा ईलाका प्रहरी कार्यालय गोलबजारबाट प्रहरी निरीक्षक नविन कुमार घिमिरेको कमाण्डमा खटिएको प्रहरी टोलीले महतोको घरमा खोज तलास गर्दा निजले लुकाई छिपाई राखेको अवस्थामा फेला परेको हो ।
उक्त गाँजालाई कागजको पोकामा ३७ थान, प्लाष्टिकको झोला २ थानमा राखेको जम्मा १ केजि ५ सय ग्राम गाँजा र ३ हजार ४ सय ४४ रुपैया घरबाट बरामद भएको प्रहरीले जानकारी दिए ।
पक्राउ परेकी महतोलाई थप अनुसन्धानको लागि जिल्ला प्रहरी कार्यालय सिरहामा राखीएको जिल्ला प्रहरी कार्यालय सिरहाको प्रवक्ता अपिलराज वोहराले बताए ।
