८० वटा प्लास्टिकका झोला खाएर ह्वेलको मृत्यु

रिपोर्ट नेपाल | 2018 Jun 03 | 03:01 pm 3135

काठमाडौं, जेठ २०:  दक्षिणी थाइल्याण्डमा ८० वटा प्लास्टिकका झोला खाएको एउटा ह्वेल मृत अवस्थामा फेला परेको थाइ नौसेनाले जनाएको छ। सोङख्ला प्रान्तको एउटा नहरमा संरक्षण अधिकारीहरूले सो ह्वेललाई जोगाउने प्रयास गर्दा उसले ५ वटा प्लास्टिकको झोला बान्ता गरेको थियो।

उक्त ह्वेलले खाएका प्लास्टिकक झोलाको कुल तौल करिब ८ किलाे रहेको जनाइएकाे छ । नौसेनाका एकजना विज्ञले शरीरभित्र भएका प्लास्टिकका कारण उक्त ह्वेललाई आफ्नाे आहरा खान असम्भव भएको बताए।

ह्वेलकाे पेटबाट निकालिएका प्लास्टिकका झाेला, जसकाे ताैल ८ किलाे रहेकाे छ । मृत ह्वेल (इनसेटमा) ।

हालैको एउटा अध्ययनले बढ्दाे प्लास्टिक प्रदूषणका कारण अबको एक दशकमा समुद्रमा प्लास्टिकको मात्रा तीन गुणाले बढ्ने चेतावनी दिएको थियो। थाइल्याण्ड विश्वमै बढी प्लास्टिकको झोला प्रयोग हुने देशमध्ये हो र त्यहाँको सरकारले अघिल्लो महिना प्लास्टिकमा थप शुल्क लगाउने घोषणा गरेको थियो। थाइल्याण्डमा प्लास्टिकका कारण बर्सेनी सयौँ समुद्री जीवहरूले ज्यान गुमाउने गरेको बताइन्छ।

अघिल्लो सोमवार उक्त सानो भाले ह्वेल अशक्त र पौड्न नसक्ने अवस्थामा ना थापस्थित नहरमा फेला परेको थियो। वातावरण अधिकारीहरूले डुङ्गा प्रयोग गरी उक्त ह्वेललाई तैरन मद्दत गरेका थिए र उसलाई घामबाट जोगाउन एउटा छहारी समेत निर्माण गरिदिएका थिए। उनीहरूले ह्वेलको स्याहारसुसार गरे पनि शुक्रबर अपरान्ह उसको मृत्यु भएको थियो। (बिबिसीबाट)

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.