धनुषा, असाेज २९: राजपाका संघीय सांसद प्रमोद साहलाई जिल्ला अदालत धनुषाले चार दिनको म्याद थप गरेको छ । जनकपुर एयरपोर्टमा बुद्ध एयरको काउण्टरमा तोडफोड गरेको आरोपमा उनलाई प्रहरीले नियन्त्रणमा लिइएकाे थियाे ।
सर्लाही क्षेत्र नम्बर २ बाट निर्वाचित सांसद साह जहाज ढिलो हुँदा जनकपुर विमानस्थलमा रहेको बुद्ध एयरको काउण्टरमा तोडफोड गरेका थिए । काठमाडौंबाट पक्राउ परेका साहलाई धनुषा जिल्ला अदालतमा पेस गरिएको हो ।
उनीमाथि मंगलबार नागरिक उड्डयन प्राधिकरणले गैर सैनिक हवाई उडान ऐन २०१५ अन्तर्गत जिल्ला प्रहरी कार्यालयमा मुद्दा दर्ता गराएको बुझिएको छ।
