- महेश सिंह
सिराहा, असोज ५: प्रतिबन्धित लागूऔषध तस्करीमा दुई जना बालकलाई ठाडी प्रहरीले पक्राउ गरेको छ । पक्राउ पर्नेहरुमा सिराहाको नवराजपुर गाउँपालिका ४ का १२ वर्षीय छोरा शिवराम यादब र भगवानपुर गाउँपालिका ३ का १० वर्षीय छोरा दिपरञ्जन यादब रहेका छन् ।
दुवै जना भारतबाट अवैध रुपमा नेपाल भित्र्याउन लागेका विभिन्न किसिमका औषधीसहित भगवानपुर गाउँपालिका ३ लालपुरबाट प्रहरीले उनीहरुलाई पक्राउ गरेको हो ।
ठाडीका प्रहरी इन्चार्ज चन्देश्वर सिंहका अनुसार बालकको साथबाट प्रतिबन्धित ट्याब्लेट ओमी ५७ पत्ता, किपला २२ पत्ता, एभिल १० पिस, डाइलोना १० पिससहित करिब ४० हजार बराबरको औषधी बरामद भएको बताए ।
पक्राउ परेका बालकलाई कसैले रकमको लोभ दिएर औषधी तस्करी गर्न लगाएको प्रहरीले अनुमान गरेको छ । पक्राउ परेका दुबै बालक माथी अनुसन्धान भई रहेको जिल्ला प्रहरी कार्यालय सिराहाले जानकारी दिए ।
