काठमाडौं, कात्तिक ८ : अख्तियार दुरुपयोग गरी भ्रष्टाचार गरेको अभियोग लागेका रामकुमार खड्कालार्इ केन्द्रीय अनुसन्धान ब्यूरोले पक्राउ गरेको छ ।
रिपोर्ट नेपाललाई प्राप्त समाचार अनुसार पुनरावेदन अदालतले २०५७ कात्तिक २१ गतेको फैसलाले ललितपुर धापाखेल बस्ने ४९ वर्षीय खड्कालाई एक करोड तेइस लाख त्रिपन्न हजार आठ सय असि रुपैयाँ जारीवाना र कए वर्ष कैद सुनाएको थियो ।
मुद्दामा फरार भएका अभियुक्त रामकुमार अग्रवाल भद्रपुरीयाको दिपक ट्रेड कन्नसर्नसँग आयात प्रतित नम्बर टि ३० / २७१५ मिति २०५२ असार ४ गते रामकुमार खड्काको नामबाट युएस डलर २ लाख १५ हजार ६ सय सोही ट्रेड कन्नसर्नसँग टि ३० /२८३२ मिति २०५२ असार ४ गते नै खड्काकै नामबाट यूएस डलर २ लाख ९५ हजार ६ सय रुपैयाँ राष्ट्रिय वाणिज्य बैंकको एलसि नियम तथा व्यवहार बमोजिम नभएको भन्दै अख्तियारले मुद्दा चलाएको थियो ।
प्रबन्धकको दस्तखत बिना प्रतितपत्र खोलेको भन्दै मुद्दा चलाएका खड्कालाई अदालतले सजाय तोकेको अठार वर्षपछि ब्यूरोले धापाखेलबाट आजै पक्राउ गरी काठमाडौं जिल्ला अदालतमा पेश गरेको थियो । अदालतको आदेशले खड्कालाई कैद भुक्तानका लागि डिल्लिबजार कारागारमा पठाइएको ब्यूराले जनाएको छ ।
