स्कुल बसबाट खसेर किच्दा एक विद्यार्थीको मृत्यु

रिपोर्ट नेपाल | 2019 Oct 22 | 01:39 pm 2728

ललितपुर, कात्तिक ५: आफ्नै स्कुलको बसले किचेर ललितपुरको गोदावरी नगरपालिका–९ मा एक विद्यार्थीको मृत्यु भएको छ ।

मृत्यु हुनेमा होली टेम्पल विद्यालय छम्पीका कक्षा एलकेजीमा अध्ययनरत आठ वर्षीय नवीन घिमिरे रहेको महानगरीय प्रहरी परिसर ललितपुरले जानकारी दिए ।

प्रहरीले दिएको जानकारी अनुसार विद्यालयको बा २ ख ५००९ नम्बरको बसले किच्दा घिमिरेको घटनास्थलमै मृत्यु भएको हो ।

स्थानीय प्रत्यक्षदर्शीले जनाए अनुसार विद्यालय जाने क्रममा उनी बस चढेलगत्तै ढोकाबाट खसेको र सोही बसको पछाडिको पांग्राले किचेको बताए ।

उक्त बसको चालक र बसलाई स्थानीय प्रहरीले नियन्त्रणमा लिएको बुझिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.