स्कारपिओ दुर्घटना हुँदा उदयपुरमा ५ काे मृत्यु, ३ घाइते

| 2020 Oct 18 | 07:30 am 1865

उदयपुर, कात्तिक २: गएराति उदयपुरको कटारी नगरपालिका–१४ भदौरेमा स्कारपिओ दुर्घटना हुँदा पाँच जनाको घटनास्थलमा नै मृत्यु भएको छ, भने अन्य तीन जना गम्भीर घाइते भएका छन्।

मृत्यु हुनेमा ओखलढुंगा मानेभञ्ज्याङ–९ का ३० वर्षीय रामबहादुर सार्की र २६ वर्षीय कर्मी सार्की अन्य अन्दाजी ३०/३२ वर्षका पुरुष, ३०/३५ वर्षका पुरुष र अर्की ३०/३५ वर्षकी महिलाको पहिचान भइनसकेको प्रहरीले जानकारी दिएकाे छ।

बा.२०.प.७१७१ नम्बरको स्कारपियो भैरहवाबाट ओखलढुंगातर्फ जाँदै गर्दा राती १२ बजे सिद्दिचरण लोकमार्गमा दुर्घटना भएको जिल्ला प्रहरी कार्यालयका डीएसपी बेदप्रसाद गौतमले बताए ।

अहिले मृतकको शव र दुर्घटनामा परेको गाडी घटनास्थलमै रहेको छ। उक्त दुर्घटनामा ओखलढुंगाको मानेभञ्याङ–९ की २८ वर्षीय कुमारी सार्की, २२ वर्षीया कल्पना सार्की र चालक रुपन्देही त्रिगम्वा नगरपालिका–४ का २८ वर्षीय पनव खड्का गम्भीर घाइते भएका छन्। उनीहरुलाई थप उपचारका लागि विराटनगर पठाइएको छ।

प्रहरीले राति ब्रेक फेल भएर स्कोरपिओ दुर्घटना भएको हुन सक्ने अनुमान गरेको छ। गाडी सडकबाट करिब एक किलोमिटर मिटर तल खसेको छ। उनीहरु सबै जना भारतबाट दशै मान्नका लागि घरतर्फ आउनेक्रममा भैरहवा क्वारेन्टाइनमा बसेर गाडी रिर्जभ गरी गएको बुझिएको छ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.