काठमाडौं, पुस २२: बुधबार स्थानीय बजारमा सुनको मूल्य प्रतितोला ३ सय रुपैयाँले बढेको छ। केही दिनदेखि लगातार उकालो लागेको सुनको मूल्यमा बुधबार वृद्धिसँगै पुनः नयाँ उचाइमा पुगेको हो।
मुल्य बढेसँगै छापावाला सुन प्रतितोला ९६ हजार ७ सय रुपैयाँमा काराेबार भएको नेपाल सुनचाँदी व्यवसायी महासंघले जनाएको छ। यस्तै तेजाबी सुन तोलाको ९६ हजार २ सय रुपैयाँमा कारोवार भइरहेको छ।
यसैगरी चाँदीको मूल्यमा पनि सामान्य वृद्धि भएको छ। चाँदी प्रतितोला पाँच रुपैयाँले बढेको छ। प्रतितोला एक हजार ३४० मूल्यमा कारोबार भइरहेको महासंघले जनाएको छ।
