सिरहामा लैगिंक हिंसा विरुद्ध १६ दिने अभियान सुरु

| 2020 Nov 26 | 07:39 pm 2296

  • महेश सिंह

सिरहा मंसिर ११ः मौनता तोडौं बालात्कार र लैगिंक हिंसा बिरुद्ध बोलौ भन्ने नारा सहितको २९औं अन्तराष्ट्रिय लैगिंक हिंसा विरुद्धको १६ दिने अभियान २०२० सुरू भएको छ ।

No description available.

सिरहा जिल्लामा महिला, किशोरी तथा बालिका हिंसाको घट्ना अवश्था विषयक पत्रकार सम्मेलन सम्पन्न भएको छ ।

ओरेक नेपाल, समग्र जन उत्थान केन्द्र लहान, मुक्ति नेपाल, मानव अधिकार संरक्षण केन्द्र संजाल सिरहा र महिला मानव अधिकार रक्षक संजाल सिरहाको संयुक्त आयोजनामा उक्त कार्यक्रम सम्पन्न भएको हो ।

लैंगिंक हिंसा अन्त्यको प्रतिवद्धता व्यक्ति, समाज र सबैको ऐक्यवद्धता भन्ने नाराका साथ सुरु भएको १६ दिवसिय अभियानमा गरिने कार्यक्रम सार्वजनिकिकरण र सिरहा जिल्लामा महिला माथि भएको हिंसाका घटनाका तथ्यांक ओरेक नेपाल, समग्र जन उत्थान केन्द्र लहान र मुक्ति नेपालले सार्वजनिक गरेको थियो ।

No description available.

ओरेक नेपालकी केन्द्रीय सदस्य एवं मुक्ति नेपालकी कार्यकारी निर्देशक श्याम कुमारी साहको अध्यक्षतामा भएको कार्यक्रममा सिरहा जिल्लाका संचारकर्मी, मानवअधिकारकर्मी, महिला अधिकारकर्मीहरूको उपस्थिति रहेको थियो ।

ओरेक नेपाल सिरहाको वार्षिक अभिलेखिकरण अनुसार २०२० जनवरी १ देखि नोभेम्बर २२ सम्ममा १८८ वटामहिला माथि भएको हिंसाका घटना र ९४ वटा लैंगिक हिंसा भएको ओरेक नेपलकी परियोजना संयोजक सर्मिला निरौलाले प्रतिवेदनबाट जानकारी गराउइन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.