सर्लाही, जेठ ८ः जिल्लाको कविलासी नगरपालिका ८ स्थित अगर्वाबाट सशस्त्र प्रहरीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा काठमाडौंको तार्केश्वर नगरपालिका ६ बस्ने २१ वर्षीय
सुनिल राई रहेका छन् । उनलाई सशस्त्र प्रहरी बल नेपाल नम्बर १० गण सर्लाहीबाट खटिएको टोलीले शंका लागि जाँच गर्दा उनको साथमा नाईट्रोभेट ट्याब्लेट ५ सय ९८ वटा, डाईजोल्याव ईन्जेक्सन ३ वटा, डाईजोपाम ईन्जेक्सन ३ वटा, फेनारगन ईन्जेक्सन ६ वटा र नोफिन ६ वटा फेला पारेको हो । पक्राउ परेका राईलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।
यसैगरी सप्तरी जिल्लाको तिलाठी कोईलाडी गाउँपालिका १ बेल्हीस्थित सीमा ईलाकाबाट सशस्त्र प्रहरीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको तिरहुत गाउँपालिका ४ बस्ने ३६ वर्षीय रामधुनि राम र सोही जिल्लाकै अग्निसाइर कृष्णासरवन गाउँपालिका २ बस्ने २२ वर्षीय इन्डन मण्डल रहेका छन् ।
भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल बिओपी तिलाठीबाट खटिएको टोलीले शंका लागि जाँच गर्दा उनीहरुको साथमा नाईट्रोभेट १५ वटा, डाईजोपाम १० वटा, लिजेसिक ९ वटा, प्रोमेयाजीन हाईड्रोक्लोराईड ईन्जेक्सन १० वटा फेला पारेको हो । पक्राउ परेका दुवै जनालाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।
काठसहित एक जना पक्राउ
सर्लाही जिल्लाको बसबरीया गाउँपालिका ३ स्थित चिनिमिल चोकबाट सशस्त्र प्रहरीले करीव १ लाख २५ हजार रुपैयाँ बराबरको सिमल तथा सिसौको काठसहित एक जनालाई पक्राउ गरेको छ । पक्राउ पर्नेमा सोही जिल्लाको धनकोल गाउँपालिका १ बस्ने ५१ बर्षीय सत्यनारायण राम रहेका छन् । ज १ त १६७० नम्बरमो ट्याक्टरमा राखेर लैजाँदै गरेको उक्त काठसहित उनलाई सशस्त्र प्रहरी बल नेपाल सुरक्षा वेश मनुष्माराबाट खटिएको टोलीले पक्राउ गरेको हो । त्यसवेला उक्त ट्याक्टर समेत बरामद गरिएको छ । पक्राउ परेका रामलाई बरामद काठ तथा ट्याक्टरसहित आवश्यक कारवाहीको लागि सव डिभिजन वन कार्यालय मुरियामा बुझाईएको छ ।
अवैध लत्ताकपडा बरामद
धनुषा जिल्लाको जनकपुरधाम उपमहानगरपालिका २३ स्थित विन्दीबाट सशस्त्र प्रहरीले करीव ३ लाख ५५ हजार रुपैयाँ अवैध लत्ताकपडा बरामद गरेको छ । जलेश्वरबाट काठमाडौंतर्फ आउँदै गरेको एक यात्रुवाहक बसमा सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरी र राजश्व भन्सार सुरक्षा वेश जनकपुरबाट खटिएको टोलीले शंका लागि जाँच गर्दा उक्त लत्ताकपडा फेला पारेको हो ।
