काठमाडौं, असार १६ । इलाका प्रहरी कार्यालय ढोढरी बर्दीयाकाे हिरासतबाट फरार भएका ज्यान मार्ने उद्याेगका दुई प्रतिवादी शनिबार दिउसाे पक्राउ परेका छन् ।
ज्यान मार्ने उद्योग मुद्दामा असार ८ गते पक्राउ परेका मधुवन नगरपालिका–५ का १९ वर्षीय अजय नेपाली र २० वर्षीय राजा नेपाली साेही नगरपालिकाकाे बेलझुण्डी सामुदायिक वन क्षेत्रबाट पक्राउ गरिएकाे जिल्ला प्रहरी कार्यालय बर्दीयाका सूचना अधिकारी प्रहरी नायब उपरीक्षक हिक्मतबहादुर बोहराले जानकारी दिएका छन् ।
