काठमाडौं, फागुन २६ः अख्तियार दुरुपयोग अनुसन्धान आयोगले ललितपुर महानगरपालिका शिक्षा महाशाखामा कार्यरत शिक्षा अधिकृत शेषकान्त पौडेललाई १ लाख रुपैयाँ घुससहित बिहीबार रंगेहात पक्राउ गरेको छ ।
पौडेलले शिक्षक सरुवा गर्न सहजीकरण गरिदिएबापत सेवाग्राहीसँग घुस÷रिसवत माग गरिरहेको भन्ने सूचना एवं उजुरी निवेदनका आधारमा गएको अख्तियारको टोलीले सेवाग्राहीबाट १ लाख रुपैयाँ घुस लिइसकेको अवस्थामा पौडेलको कार्यकक्षबाटै पक्राउ गरेको हो ।
पक्राउ परेका पौडेलमाथि थप अनुसन्धान भइरहेको अख्तियारका प्रवक्ता भोला दाहालले जानकारी दिए । राजधानी दैनिकबाट
