लक्ष्मीपुर पतारी गाउँपालिकाको कार्यालयमा बम विस्फोटः गाउँलेहरु त्रासित

| 2019 Dec 14 | 03:54 pm 1906

  • महेश सिंह

सिरहा, मंसिर २८: सिरहाको लक्ष्मीपुर पतारी गाउँपालिकाको कार्यालयमा गएराति अज्ञात समूहले बम विस्फोट गराएका छन् ।

राति ११ बजेतिर गराएको बम विस्फोटबाट मानवीय क्षति नभए पनि कार्यालयको झ्याल र ढोकामा क्षति पुगेको र जस्तापाता उडेको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक अपिलराज बोहराले जानकारी दिए ।

बम विस्फोट गराउनेको खोजी कार्यसँगै घटनाबारे थप अनुसन्धान भइरहेको प्रहरी नायब उपरीक्षक बोहराले बताए । विगत केही दिनदेखि हरहिसाब पारदर्शी गर्नुपर्ने मागसहित गाउँपालिका कार्यालयविरुद्ध आन्दोलन हुँदै आएको थियो ।

बम विस्फोटनले गर्दा त्यस स्थानका स्थानीय बासिन्दाहरु त्रासित भएका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.