काठमाडाैं, पुस ५ः प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरी दुई चरणमा नयाँ निर्वाचनको घोषणा गरेकी छन् ।
आइतबार विहान प्रधानमन्त्री केपी शर्मा ओलीले मन्त्रिपरिषद्को निर्णयको आधारमा संसद विघटनको सिफारिस गरेका थिए । संसद विघटन गर्ने सिफारिस लिएर प्रधानमन्त्री ओली आफै राष्ट्रपति कार्यालय शीतल निवास पुगेका थिए ।
राष्ट्रपति भण्डारीले संसद विघटन गरी २०७८ साल बैशाख १७ गते शुक्रबार पहिलो चरण र २०७८ साल बैशाख २७ गते दोस्रो चरणमा निर्वाचनको घोषणा गरेकी छन् ।
