रथ रहेको क्षेत्र वरिपरि ५ जना भन्दा बढी व्यक्ति भेला हुन नपाउने

| 2020 Sep 05 | 07:59 am 1837

ललितपुर, भदाै २०ः जिल्ला प्रशासन कार्यालय ललितपुरले ६ दिनसम्म रथ रहेको क्षेत्र वरिपरि ५ जना भन्दा बढी व्यक्ति एकै ठाउँमा भेला हुन नपाउने प्रशासनले आदेश जारी गरेको छ । कर्फ्यू आदेश सकिनु अघि ललितपुर जिल्ला प्रशासनले अर्को सूचना जारी गरी शुक्रबार सो कुरा जनाएको हो ।

बिहीबार रातो मत्स्येन्द्रनाथको रथ तान्ने क्रममा पाटन क्षेत्रमा झडप भएपछि शुक्रबार बिहानैदेखि कर्फ्यू लगाएको जिल्ला प्रशासन कार्यालय ललितपुरले नयाँ नियम लागू गर्ने निर्णय गरेको हो । कर्फ्यू भने शुक्रबार बेलुका १० बजेपछि निष्क्रिय भएकाे छ ।

जिल्ला प्रशासन कार्यालय ललितपुरले  नियमका लागि स्थानहरू समेत तोकेको छ ।  प्रशासन कार्यालयकाे अनुसार रातो मत्स्येन्द्रनाथ भएकाे पूर्वमा मदन स्मारक स्कुल अगाडिकाे चाेक, पश्चिममा ललितपुर महनगरपालिकाकाे कार्यालय, दक्षिणमा सेन्ट जेभिसर्य स्कलुल र उत्तरमा  बखुण्डाे चाेक अगाडिकाे ५ जना भन्दा बढी भेला हुन पाइने छैन ।

त्यस्तै श्री मिन नाथकाे रथ रहेकाे पूर्वमा मंगलबजारकाे चाेक, पश्चिममा मदन स्मारक स्कुल अगाडिकाे चाेक, दक्षिणमा पूर्वचण्डी मन्दिर र उत्तरमा पिमवहाल क्षेत्रभित्र आजदेखि २६ गतेसम्म बिहान ५ बजेदेखि बेलुकी १० बजेसम्म भेला हुन पाइने छैन।

आदेश उल्लंघन गरे स्थानीय प्रशासन ऐन अनुसार कारबाही हुने विज्ञप्ति मार्फत जनाइएको छ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.