दाङ, असोज ११ । घोराही उप-महानगरपालिका-१८ पुष्पाञ्जली टोल बस्ने बिराज चौधरीको रा.२ प १५९३ नम्बरको मोटरसाइकलमा आगजानी गरेको अभियोगमा सौडिकुला बस्ने ३२ वर्षीय मिना चौधरीलाई प्रहरीले पक्राउ गरेको छ ।
आपसी लेनदेनको बिषयलाई लिएर चौधरीले उक्त मोटरसाइकलमा आगो लगाएको भन्ने खबर प्राप्त हुनासाथ वडा प्रहरी कार्यालय घोराहीबाट खटिएको प्रहरीले स्थानीयबासी र दमकलको सहयोगमा मोटरसाइकलमा लागेको आगो नियन्त्रणमा लिएको थियो ।
आगजनीबाट मोटरसाइकल जलेर नष्ट भएको छ ।
