काठमाडौं, कात्तिक १ : स्वयम्भु ठूलोभर्यारङमा मोटरसाइकलको ठक्करले आज एक पैदल यात्रुको उपचारको क्रममा मृत्यु भएको छ ।
नवमीको दिन बा.२६ प ३७०७ नम्बरको मोटरसाइकलले ठक्कर दिंदा गम्भीर घाइते भएका पैदलयात्री काठमाडौं स्वयम्भू सानोभर्याङ बस्ने वीरबहादुर तामाङको उपचारको क्रममा मृत्यु भएको बुझिएको छ ।
मृत्यु हुनेमा सिन्धुपाल्चोक जुगल गाउँपालिक ७ का ५५ वर्षीय वीरबहादुर तामाङ रहेको प्रहरीले जनाएको छ । मोटरसाइकलबाट घाइते भएका तामाङलाई उपचारका लागि स्वयम्भूस्थित मनमोहन अस्पताल पुर्याइएको थियो ।
ठक्कर दिने मोटरसाइकल र चालकलाई प्रहरीले नियन्त्रणमा लिएको छ ।
