मोटरसाइकल दुर्घटना हुँदा नुवाकोटमा एकको मृत्यु, एक घाइते

रिपोर्ट नेपाल | 2020 Mar 29 | 05:23 pm 1411

नुवाकोट, चैत १६: विदुर नगरपालिका–५ माझीटारमा मोटरसाइकल दुर्घटना हुँदा आइतबार एक जनाको मृत्यु भएको छ ।

मृत्यु हुनेमा चालक विदुर नपा–९ का १६ वर्षीय विनोद थापामगर रहेको जिल्ला प्रहरी कार्यालयले जानकारी दिएको छ ।

बा ६३ प ५६३ नम्बरको मोटरसाइकल देवीघाटबाट बट्टारतर्फ आउँदै गर्दा दुर्घटना भएको बताइएको छ ।

गए राति दुर्घटनामा परेर गम्भीर घाइते भएका विनोदको त्रिशूली अस्पतालमा उपचारका क्रममा मृत्यु भएको प्रहरीले जनाएको छ ।

मोटरसाइलकमा सवार निमेश थामामगर भने दुर्घटनामा परी घाइते भएका छन् ।

उनको त्रिशूली अस्पतालमा उपचार भइरहेको छ । तीव्र गतिका कारण मोटरसाइकल सडकदेखि १० मिटर तल पुगेर दुर्घटना भएको प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.