मुगु, भदाै २२ः मुगुमा भिरबाट लडेर एक जनाको मृत्यु भएको छ । मृत्युहुनेमा छायानाथ रारा नगरपालिका-१३ बामका वर्ष २६ गोरा बहादुर बढुवाल रहेका छन् ।
नगरपालिकाको १४ नं वडामा रहेको पिलेको धारा भन्ने स्थानमा भिर बाट लडेर उनको मृत्यु भएको जिल्ला प्रहरी कार्यालय मुगुका प्रहरी नायव उपरिक्षक सुवाष हमालले जानकारी दिए ।
उनका अनुसार विगत केही दिनदेखि मृतक बढुवाल भेडा चराउन जंगलमै बसोबास गर्दे आई रहेका थिए । उनको शव अहिले जिल्ला अस्पताल मुगुमा राखिएको छ ।
