काठमाडौं, असोज १० । मणीपाल अस्पताल प्रकरणमा कमजोर कमाण्ड भएको ठहर गर्दै गृह मन्त्रालयले वडा प्रहरी कार्यालय वैदाम कास्कीमा कार्यरत डीएसपी वेद जोशीलाई सरुवा गरेको छ ।
डीएसपी जोशीलाई प्रहरी प्रधान कार्यालयमा तानिए पछि त्यहाको कमाण्ड गर्न अर्का डिएसपी राजेन्द्र श्रेष्ठलाई खटाइएको छ ।
यस्तै, सोही घटनामा सुरक्षाका लागि खटिएका इन्स्पेक्टर मदन श्रेष्ठले सगाैरवका साथ डाक्टर कुटेर आँए भन्दै मृतकका आफन्तसँग भनेको भिडियो क्लीप सामाजिक संजालमा भाइरल भएपछि अनुसन्धानका लागि श्रेष्ठलाई निलम्बन गरिएको छ ।
