बिरामी बोक्ने एम्बुलेन्समा गाँजाको तस्करी

| 2020 Jan 26 | 01:27 pm 1827

मकवानपुर, माघ १२: बिरामी बोक्ने एम्बुलेन्सले प्रतिबन्धित लागूऔषध बोकेको भन्दा पत्यार नलाग्न सक्छ । तर, एक सरकारी एम्बुलेन्सले ३० किलो भन्दा माथि गाँजा राखी तस्करी गरिरहेको अवस्थामा प्रहरीले तीन जनालाई नियन्त्रणमा लिएको छ ।

प्राप्त समाचार अनुसार विशेष सुराकीको आधारमा मकवानपुर प्रहरीले रौतहटको डुमरिया नगरपालिका–९ को स्वास्थ्य चौकीको बा २ झ १७४९ नम्बरको एम्बुलेन्समा गाँजा तस्करी गरिरहेको अवस्थामा शनिबार राति गाँजासहित तीन जनालाई नियन्त्रणमा लिएको हो ।

पक्राउ पर्नेमा एम्बुलेन्स चालक रौतहटको डुमरिया नगरपालिका–९ का ३९ वर्षीय महमद खलिद, डुमरिया–४ का १९ वर्षीय अशोक कुमार र भारत विहार मोतिहारी बसन्तपुरका २२ वर्षीय विनोद सहनी रहेको मकवानपुर प्रहरी प्रमुख एसपी सुशीलसिंह राठौरले जानकारी दिए।

मनहरीबाट हेटौंडातर्फ आउँदै गरेको एम्बुलेन्स नेवारपानीमा जाँच गर्दा तीनवटा झोलामा ६ पोका बनाइ राखिएको ३० किलो ६ सय ग्राम गाँजा बरामद भएको एसपी राठौरले जानकारी दिए।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.