बम बिस्फोट गराएको अभियोगमा एक पक्राउ

रिपोर्ट नेपाल | 2020 Jul 01 | 01:24 pm 2092

ललितपुर, असार १७ः गत चैत २८ गते पूर्व मन्त्री गोकुलप्रसाद बास्कोटाको घरमा बम बिष्फोट गराएको अभियोगमा फरार रहेका मुख्य योजनाकार ऐन बहादुर शाही (बिजय शाही) लाई महानगरीय प्रहरी परिसर भक्तपुरले ४ महिना पछि पक्राउ गरेको छ ।

शाही नेकपा (विप्लव) समूहका भक्तपुर जिल्ला सेक्रेटरी रहेको महानगरीय प्रहरी परिसर भक्तपुरले जनाएको छ । शाहीलाई असार १६ गते जिल्ला अदालत भक्तपुरबाट म्याद थप गरी थप अनुसन्धान कार्य भइरहेको परिसर भक्तपुरले जनाएको छ ।

बिस्फोटन कार्यमा संलग्न अन्य ४ जनालाई त्यही दिन पक्राउ गरिएको थियो ।

पक्राउ परेका एक जना देवी बहादुर गुरुङलाई २०७६ चैत ३० गते जिल्ला अदालत भक्तपुरले साधारण तारेखमा छोडेको र बाँकी ३ जनालाई पुर्पक्षको लागि डिल्लीबजार कारागार चलान गरेको महानगरीय प्रहरी परिसर भक्तपुरले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.