बंगलादेश, फागुन ९ : बंगलादेशको राजधानी ढाकास्थित एक भवनमा आगलागी हुँदा कम्तिमा ७० जनाको मृत्यु भएको छ । ढाकामा रहेको रासायनिक गोदामको पुरानो भवनमा आगलागी भएको हो । करिब ४० जना सख्त घाइते भएको बताइएको छ ।
तर भवनमा थप मानिसहरु पनि जलेको हुनसक्ने आशंकामा खोजी कार्य जारी राखिएको छ । आगलागीमा परेर घाइते भएका ४५ जनाको ढाका मेडिकल कलेजमा उपचार भैरहेको छ । आगलागी भएको स्थानमा कति मानिस थिए भन्ने खुलेको छैन ।
रासायनिक गोदामको भवनमा सिलिण्डर विस्फोट भएर आसपासका अन्य चार भवनमा पनि आगलागी भएको छ । बंगलादेशमा सन २०१० मा पनि रासायनिक भवनमा आगलागी हुँदा एक सय २० जनाको मृत्यु भएको थियो ।
