पोखरा विमानस्थलमा अवतरणकाे क्रममा ‘जाइरोकप्टर’ दुर्घटना

रिपोर्ट नेपाल | 2019 May 07 | 05:19 pm 1839

पोखरा, वैशाख २४ : पोखरा विमानस्थलमा अवतरण गर्ने क्रममा मंगलबार दिउँसो जाइरोकप्टर दुर्घटना भएको छ ।

हेली एयर नेपाल प्रालिको नाइनएन एएमके कल साइनको जाइरोकप्टर दिउँसो दुई बजे रन वेबाट चिप्लिएर दुर्घटनामा परेको जनाइएको छ । दिउँसो १ः४५ मा फ्रान्सेली पाइलट एरिकले यात्रु अनिश भट्टचनलाई राखेर उडाएका थिए ।

जाइरोकप्टर उत्तरी भेगबाट ल्याण्ड गर्ने क्रममा चिप्लिएर दक्षिणी भागको तारबारमा पुगेको ठोक्किएको थियो । दुर्घटनामा जाइरोकप्टरको दुबै पंखा भाँच्चिएको छ । अगाडिको सिसा फुटेको छ । पाइलट र यात्रु दुबै सकुशल रहेको नागरिक उड्डयन प्राधिकरण पोखरा कार्यालयका सूचना अधिकारी काशिराज शर्माले जानकारी दिएका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.