निजी कारबाट ८० केजी गाँजा बरामद

| 2020 Nov 12 | 03:40 pm 2473

मकवानपुर, कात्तिक २७ः बिहीबार निजी कारबाट प्रतिबन्धित गाँजा ८० केजीसहित प्रहरीले पक्राउ गरेको छ । हेटौडा–१० मा रहेको प्रहरी चौकी भुटनदेवीबाट गस्तीमा रहेको प्रहरी टोलीलाई देखेर बा ६ च १४७६ नम्बरको कार भागेपछि शंका लागि खोजतलास गर्ने क्रममा भुटनदेवी मन्दिर जाने सडक किनारमा फेला पारेको थियो ।

कारमा सवार मानिस भने कार छोडेर भागेपछि स्थानीय जनप्रतिनिधिको रोहवरमा कारको लक तोडी चेकजाँच गर्दा कारभित्र लागूऔषध गाँजा ८० किलो फेला परेको थियो ।

प्रहरीले बरामद गाँजा, कार र केही कागजात जिल्ला प्रहरी कार्यालयमा ल्याई थप अनुसन्धान गरिरहेको बताएको छ । मकवानपुर प्रहरी प्रवक्ता इन्द्रबहादुर रानाका अनुसार कारमा सवार व्यक्तिको खोजीकार्य भैरहेको जनाएका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.