नारायणहिटी दरबार परिसरभित्र बनाइएको गणतन्त्र स्मारक भत्काउनुपर्ने नेता नेपालको माग

रिपोर्ट नेपाल | 2020 Feb 05 | 01:02 pm 1747

काठमाडौं, माघ २२: सत्तारुढ नेपाल कम्युनिष्ट पार्टी (नेकपा) का नेता माधवकुमार नेपालले नारायणहिटी दरबार परिसरभित्र बनाइएको गणतन्त्र स्मारक भत्काउनुपर्ने बताएका छन् ।

नेपालले गणतन्त्र स्मारक नारायणहिटी परिसरमा नभइ अन्तै बनाउनुपर्ने मत राखेका छन् ।

बुधबार नेता नेपालले अन्तर्राष्ट्रिय सम्बन्ध समितिको बैठकमा नारायणहीटीमा गणतन्त्र स्मारक बनाउन हुँदैनथ्यो बनाइयो, त्यो गलत थियो, अब भत्काइदिनुपर्छ, भनेर आफ्ना मत राखेका थिए ।

नेपालमा गणतन्त्र स्थापना भएको सम्झनामा सरकारले ४५ करोड खर्चेर नारायणहिटी दरबार संग्रहालय परिसरमा भव्य गणतन्त्र स्मारक निर्माण गरेको हो ।

२०६८ चैत १४ गते तत्कालीन प्रधानमन्त्री डा बाबुराम भट्टराईले गणतन्त्र स्मारक शिलान्यास गरेका थिए ।

सो स्मारकको २०७६ जेठ १५ गते राष्ट्रपति विद्यादेवी भण्डारीले उदघाटन गरेकी थिइन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.