कविता
जाँड रक्सी, चुरोट नित्य खान्छ जसले ।
जुवा तास भित्तीमा मन लाउँछ त्यसले ॥
बाह्रै मास पाठ गर्छ सोह्र भाइ जसले ।
अप्सरा, राधा, सीता सधैँ देख्छ त्यसले ॥
बोक्रे धाक गुड्डी ठूलो छ उसैको ।
होसै गायब छ पाट पुर्जा खुस्केको ||
हँ हँ साथी साँझमा फेरि भेटौँला ।
केही नपाए बूढी बाख्री रेटाैंला ||
कालो, सेतो, गोलो चट्ट भएको ।
अमृत तीन पाने बनेको छ त्यसैको ॥
मर्चा मिसी भट्टीको एक भाँडामा ।
खाँदा स्वर्ग मर्त्य देखिने सडेको कोदामा ||
रसिलो, पोसिलो रन्किने भरभराउँदो ।
सुनिने अनौठो बोली लरबराउँदो ||
ठण्डी मौसम तातो सिरक चाहिने ।
चिसो तातो थाहा केही नपाइने |।
