बारा, भदौ २०: नक्कली लाइसेन्स सहित तीन जनालाई प्रहरीले पक्राउ गरेको छ । पक्राउ पर्नेम मकवानपुर बकैया गापा वडा नं ८ का ३९ वर्षीय राम बहादुर स्याङतान, ३३ वर्षीय गोपाल सिंह भुलुन र बारा सुर्वण गापा वडा नं ५ का ४५ वर्षीय गगनदेव साह रहेका छन् ।
उनीहरुलाई जिल्ला प्रहरी कार्यालय बाराबाट खटिएका प्रहरी टोलीले जिल्ला बारा कलैया उमनपा वडा नं १ स्थित सडकमा पक्राउ गरेको हो ।
पक्राउ परेका उनीहरुको साथबाट नक्कली सवारी चालक अनुमति पत्र स्मार्ट कार्ड ४ थान, पुरानो सवारी चालक अनुमति पत्र १ थान र ८ लाख २५ हजार बराबरको राम बहादुर स्याङतानको नाममा काटिएको विभिन्न बैंकको चेक थान ४ सहित बरामद गरिएको छ।
उनीहरुमाथि सरकारी छाप दस्तखत किर्ते मुद्दामा सम्मानित बारा जिल्ला अदालतबाट हिरासतमा राख्न ५ दिनको म्याद थप गरी अनुसन्धान कार्य भईरहेको छ ।
