नक्कली प्रहरी सक्कलीको फन्दामा

रिपोर्ट नेपाल | 2020 Oct 15 | 04:56 pm 2531

काठमाडौं, असोज २९ः प्रहरीको संचारसेट जस्तो देखिने नक्कली सेट बोकी व्यवसायीहरुलाई तर्साउँदै आएका गोबिन्द खड्का सक्कली प्रहरीको फन्दामा परेका छन् ।

महानगरीय अपराध महाशाखबाट खटिएको प्रहरीको टोलीले खड्कालाई बानियाँटारबाट पक्राउ गरेको हो ।

रामेछापा जिल्लाको खाँडदेवी गाउँपालिका ६ घर भई हाल बानियाँटार बस्दै आएका गोबिन्द खड्काले जापान र सिङ्गापुरमा निर्मित दुई थान संचार सेट, नाम लेखिएको प्लेट, सुरक्षा निकायले लगाउने बुट प्रयोग गर्ने गरेका थिए ।

प्रहरीले खड्काको साथबाट बा ७८ प १६२ नम्बरको मोटरसाइकल, सिठ्ठी दुई थान, विभिन्न ब्राण्डका मोबाइल सेट चार समेत बरामद गरिएको छ ।

नक्कली प्रहरी बन्दै हिड्ने खड्कालाई कानुनी कारबाहीका लागि महानगरीय प्रहरी परीसर काठमाडौं पठाईको महाशाखाले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.