काठमाडौं, असार ३२ : दुई वटा पेस्तोल र ५६ राउण्ड गोलीसहित दुई जना युवक पक्राउ परेका छन् । महानगरीय प्रहरी परिसर ललितपुरले पेस्तोल बिक्रीमा संलग्नको आशंकामा उनीहरुलाई ललीतपुरको नखीपोटबाट पक्राउ गरेको हो ।
पेस्तोलसहित हिँडिरहेको अवस्थामा प्रहरीले उनीहरुलाई पक्राउ गरेको प्रहरी वरिष्ठ उपरीक्षक गणेश एैरले जानकारी दिए । प्रहरीले पक्राउ परेकाहरुको नाम भने सार्वजनिक गरेको छैन । यसअघि आइतबार पनि प्रहरीले जर्मन पेस्तोल बिक्री गर्न हिँडेका ३ जनालाई ललितपुरको नख्खिबोटबाटै पक्राउ गरेको थियो । सोमबार पक्राउ परेकाहरु पनि सोही समूहको भएको प्रहरीको अनुमान छ ।
आइतबार ताप्लेजुङ जिल्ला वाङरुक गाउँपालिका स्थायी घर भई ललितपुर नख्खीपोट बस्ने ३६ बर्षिय हेमराज पौडेल, दोरम्भा डडुवा गाउँपालिका १ स्थायी घर भई हाल ललितपुर नख्खीपोट बस्ने ३० बर्षिय अँशुराम मोक्तन र रामेछाप लिखु गाउँपालिका १ स्थायी घर भई काठमाडौं घट्टेकुलो बस्ने २४ बर्षिय कृष्णबहादुर जोगी पक्राउ परेका थिए
