काठमाडौंः (एजेन्सी) जुबा दक्षिणी सुडानमा भएको भिषण आगलागीमा परी कम्तीमा ३१ जनाको मृत्यु भएको छ ।
उक्त देशको लोल क्षेत्रमा पर्ने कोर्कोमा भएको भिषण आगलागीमा परी अरू ६८ जना घाइते भएको अधिकारीहरूले जनाएका छन् । आगलागी आइतबार राति भएको अधिकारीहरूले जानकारी दिएका छन् ।
सूचना, युवा र संस्कृतिमन्त्री मिचेल माथोक वालले दिएको जानकारीअनुसार आगलागीका कारण १ सय ३८ वटा घरमा क्षति पुगेको छ । त्यसैगरी दश हजारभन्दा बढी जनावर पनि मरेको समाचारमा जनाइएको छ ।
