तिहारकाे दिन दाइकाे आगलागीमा परी मृत्यु, बहिनी र छाेरा घाइते

रिपोर्ट नेपाल | 2020 Nov 17 | 10:12 am 2562

काठमाडौं, मंसिर २ः गएराति काठमाडौंको कपन बालुवाखानी चोकस्थित नारायणबहादुर बस्नेतको घरमा आगलागी भएको छ । आगलागीमा परी एक जनाको मृत्यु भएको छ भने दुई जना घाइते भएका छन् ।

मृत्यु हुनेमा नुवाकोट शिवपुरी गाउँपालिका ५ घर भएका कृष्णबहादुर तामाङ छन् । उनी बस्नेतको चारतले घरको पहिलो तलामा डेरा गरी बस्थे । उनी बस्दै आएको कोठामा विद्युत सर्ट भई आगलागी भएको बताइएको छ ।

आगलागीमा परी मृतककी ३५ वर्षीया बहिनी विपना तामाङ र उनका ११ महिनाका छोरा दावा तामाङ घाइते भएका छन्। उनीहरूको कीर्तिपुर अस्पतालमा उपचार भइरहेको छ । विपना तिहार मनाउन दाजुकोमा आएकी थिइन् ।

दमकल, प्रहरी र स्थानीयबासीको सहयोगमा सोमबार राति करिब दुई बजे आगलागी नियन्त्रणमा आएको थियो । राजधानी दैनिकबाट

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.