तनहुँ, फागुन ८ : प्रतिबन्धित लागूऔषधसिहत प्रहरीले एक जनालाई पक्राउ गरेको छ । काठमाडौंबाट पोखरा तर्फ जादै गरेको बा ४ ख ७७१४ नम्बरको यात्रु बाहक बसमा चेकजाँच गर्ने क्रममा मिलन गुरुङलाई आज (बुधबार) प्रहरीले पक्राउ गरेको हो ।
पोखरा महानगरपालिका वडा नम्बर–१६ अमरदिपका २५ वर्षीय गुरुङले झोला भित्र लुकाई राखेको अवस्थामा २ एमएल को डाइजेपाम शिशी १ सय २१ थान, फेनेरगन २ एमएल को शिशी १ सय २० थान र नोफिन २ एमएल को शिशी १ सय ११ थान गरि जम्मा शिशी ३ सय ५२ थान लागु औषधसहित पक्राउ गरेका प्रहरीले जानकारी दिए ।
तनहुँ व्यास नगरपालिका वडा नम्बर–१२ घाँसीकुवा स्थित पृथ्वीराजमार्गमा सवारी साधनहरु चेकजाँच गर्ने क्रममा उक्त लागूऔषधसहित गरुङलाई पक्राउ गरेका हुन ।
गुरुङलाई लागु औषध मुद्धामा आजै अदालतबाट म्याद थप गरी अनुसन्धान भईरहेको तनहुँ प्रहरीले जनाएको छ ।
