ट्राफिक प्रहरी महाशाखाको सिल खुल्यो

रिपोर्ट नेपाल | 2020 Aug 15 | 02:12 pm 1773

काठमाडौं, साउन ३१ः दुई जनामा कोरोना संक्रमण देखिएपछि सिल भएको महानगरीय ट्राफिक प्रहरी महाशाखामा ‘बग्गीखाना’को सिल खुलाइएको छ।

झण्डै दुई हप्तापछि शनिबार महाशाखाको सिल खुलेको हो । महाशाखामा कार्यरत करिब ३ सय प्रहरीलाई क्वारेन्टाइनमा राखेर परीक्षण गरिएको थियो।

सुरुमा संक्रमण देखिएका प्रहरीको कन्ट्र्याक्ट ट्रेसिङमा आएका प्रहरीको कोरोना परीक्षण गरिएको थियो। उनीहरु मध्ये १७ जनामा कोरोना देखिएको थियो। हाल उनीहरु उपचारको लागि अस्पतालमा छन्। १७ जनामध्ये दुई जना उपचारपछि फर्किसकेका छन्।

कोरोना पोजेटिभ भएकालाई अस्पतालमा राखेर बाँकीलाई ड्युटीमा खटाएको महाशाखाले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.