कैलाली, माघ १८ः गएरति ट्याक्टर र मोटरसाइकल ठोक्किँदा कैलालीको घोडाघाडी नगरपालिका–१० पहलमानपुरमा २ जनाको मृत्यु भएको छ ।
मृत्यु हुनेमा मोटरसाइकलमा सवार २३ वर्षीय गोविन्द बुढा र १८ वर्षीय मानबहादुर बुढाको मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक प्रतीक बिष्टले बताए ।
प्रहरीका अनुसार म १ त ५४२ नम्बरको ट्याक्टरको पछाडि बा ९१ प ४०४ नम्बरको मोटरसाइकल ठोक्किएको थियो ।
दुर्घटनामा गम्भीर घाइते भएका गोविन्द र मानबहादुरको घोडाघोडी अस्पतालमा उपचारको क्रममा मृत्यु भएको हो।
प्रहरीले ट्याक्टर चालकलाई नियन्त्रणमा लिएको छ ।
