धनुषा, भदौ २० : टिपरको ठक्करबाट धनुषामा आज दुई जनाको मृत्यु भएको छ । पुर्वपश्चिम राजमार्ग अन्र्तगत धनुषाको धारापानीमा मोटरसाइकललाई टिपरले ठक्कर दिँदा मोटरसाइकल सवार सवार दाजुभाइको मृत्यु भएको हो ।
मृत्यु हुनेमा उदयपुरको त्रियुगा नगरपालिका ४ बस्ने २५ वर्षीय विकास राई र २३ वर्षीय सचिन्द्र राई रहेको प्रहरीले जनाएको छ । पश्चिमबाट पूर्वतर्फ जाँदै गरेको ना१प ६१८९ नम्बरको टिपरले सोही दिशातर्फ जाँदै गरेको स५प ९०४६ नम्बरको मोटरसाइकललाई ठक्कर दिँदा दिएको थियो ।
ठक्कर दिने टिपर र चालकलाई इलाका प्रहरी कार्यालय धारापानीले नियन्त्रणमा लिएको छ । घटना लगतै केही समय राजमार्ग अवरुद्ध भएको थियो । प्रहरी शवलार्इ पोस्टमार्मको लागि जनकपुर अचल अस्पतालमा पठाइएको छ ।
