भक्तपुर, मंसिर २७ : ईँट्टाभट्टामा काम गर्ने एक महिलालाई जबरजस्ती करणी गरेको अभियोगमा एक पक्राउ परेको छ ।
सूर्यविनायक नगरपालिका ९ नङखेलस्थित जिरो हनुमान ईँट्टाभट्टामा काम गर्ने रोल्पा कोलाङ गाउँपालिका ६ की ६० वर्षीया महिलालाई मंसिर २५ गते जबरजस्ती करणी गरेको अभियोगमा सोही ईँटाभट्टामा काम गर्ने बाग्लुङ धारापानी गाउँपालिका ३ का ३६ वर्षीय अमबहादुर विकलाई प्रहरीले पक्राउ गरेको छ ।
यस सम्बन्धमा प्रहरीले विकलाई आवश्यक अनुसन्धान गरिरहेको जानकारी दिएको छ ।
