काठमाडौँ, भदौ १६।
परराष्ट्र मन्त्रालयले कालापानी, लिपुलेक, लिम्पियाधुरा समेटिएको राजनीतिक तथा प्रशासनिक नक्साप्रति नेपाल स्पष्ट र दृढ रहेको बताएको छ। मन्त्रालयले शुक्रबार एक प्रेस विज्ञप्ति जारी गर्दै संसद्ले पारित गरेको चुच्चे नक्साप्रति सरकार स्पष्ट र दृढ रहेको बताएको हो।
चीनले सोमबार (अगस्ट २८) मा जारी गरेको नेपालको चुच्चे नक्सा नराखेका कारण मन्त्रालयले आफ्नो धारणा स्पष्ट गरेको हो। ‘नेपाल संसद्ले सर्वसम्मतिबाट २०२० मा पारित गरेको आफ्नो राजनीतिक तथा प्रशासनिक नक्साप्रति स्पष्ट र दृढ रहेको छ,’ विज्ञप्तिमा लेखिएको छ, ‘यो नक्सालाई हाम्रा छिमेकीका साथै अन्तर्राष्ट्रिय समुदायले सम्मान गर्नुपर्छ भन्ने नेपाल सरकार स्पष्ट रूपमा विश्वास गर्छ।’ सीमा समस्यालाई संवाद र कूटनीतिका माध्यमबाट समाधान गर्न नेपाल प्रतिबद्ध रहेको समेत विज्ञप्तिमा उल्लेख छ।
(नागरिकबाट)
