चट्याङ लागेर मकवानपुरमा एकको मृत्यु, एक घाइते

रिपोर्ट नेपाल | 2020 Mar 07 | 11:17 am 1380

मकवानपुर, फागुन २४: चट्याङ लागेर शनिबार भिमफेदी गाउँपालिका ९ मा एकको मृत्यु भएको छ भने एक जना घाइते भएका छन् ।

मृत्यु हुनेमा भिमफेदी ९ च्याउखोलाका २३ वर्षीय विजय स्याङ्ताङ रहेका छन् ।

उनको शनिबार विहान बर्षासँगै परेको चट्याङ लागेर मृत्यु भएको जिल्ला प्रहरी कार्यालय मकवानपुरले जनाएको छ ।

चट्याङ लागेर गम्भीर घाइते भएका उनको उपचारको क्रममा हेटौंडा अस्पतालमा मृत्यु भएको हो।

त्यसैगरी घाइते हुनेमा मृतककी श्रीमती २२ वर्षीया सविता स्याङ्ताङ रहेको प्रहरीले जनाएको छ । घाइते सविताको हेटौंडा अस्पतालमा उपचार भइरहेको बताइएको छ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.