चक्र बास्तोलाकी श्रीमतीलाई केन्द्रीय सदस्य बनाउने देउवाको घोषणा

रिपोर्ट नेपाल | 2018 Nov 27 | 07:01 pm 1776

  • शिवमणि भण्डारी

काठमाडौं, मङ्सिर ११ : नेपाली काँग्रेसले पार्टीका स्वर्गीय नेता चक्र बास्तोलाकी पत्नी कुसुम बास्तोलालाई केन्द्रिय सदस्यमा मनोनित गर्ने भएको छ । नेपाली काँग्रेसका सभापति शेरबहादुर देउवाले नेता बास्तोलाकी श्रीमती कुसुमलाई केन्द्रिय सदस्यमा मनोनित गर्ने घोषणा गरेका हुन् ।

नेता बास्तोलाको निधन भएको ४५ औं दिनको अवसर पारेर मंगलबार काठमाडौंमा आयोजित स्मृति सभालाई सम्बोधन गर्दै उनले कुसुम बास्तोला जस्तो संघर्षशील महिलालाई पार्टीको जिम्मेवारी दिने निर्णयमा कसैको पनि विरोध नहुने दावी पनि गरे । सभापति देउवाले मष्तिष्क घातबाट थलिएका नेता बास्तोलालाई स्याहार गरेरर कुसुम बास्तोलाले एउटा साहसिक र संघर्षशील नारीको आफ्नो पहिचानलाई अझै उचो बनाएको पनि स्मरण गराए ।

स्मृति सभामा सभापति देउवाले तत्कालीन विद्रोही माओवादीलाई शान्ति प्रक्रिया ल्याउन सहमत गराउने प्रमुख नेतानै बास्तोला भएको पनि खुलासा गरे । उनले राष्ट्रिय राजनीति र पार्टी राजनीतिमा पुर्‍याएको योगदान पार्टीले सदा सम्झिरहने पनि उल्लेख गरे ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.