- सन्तोष महतारा
गुल्मी, असोज १३ः गुल्मीमा चितुवाको छाला सहित २ जनालाई प्रहरीले पक्राउ गरेको छ । जिल्लाको छत्रकोट गाउँपालिका ३ मा रहेको घिमिरे होटल एण्ड लजबाट २ जनालाई चितुवाको छालासहित पक्राउ गरिएको जिल्ला प्रहरी कार्यालय गुल्मीले जनाएको छ ।
चितुवाको छालाको कारोबार भइरहेको भन्ने गोप्य सूचनाको आधारमा लुम्बिनी प्रदेश ब्यूरो तथा जिल्ला प्रहरी कार्यालय गुल्मीको संयुक्त टोलीले चेकजाँच गर्ने क्रममा होटलको कोठाबाट छत्रकोट गापालिका २ भेडुवाका गणेश खनालका २७ वर्षीय छोरा सुमन खनाल र सोही ठाउँका मोतिलाल सार्कीका ३१ वर्षीय छोरा हरि बहादुर सार्कीलाई चितुवाको छालासहित पक्राउ गरिएको जिल्ला प्रहरी कार्यालय गुल्मीले जानकारी दिएको हो ।
पक्राउ परेका २ जनालाई आवश्यक कार्बाहीको लागी सब(डिभिजन बन कार्यालय रिडीसँग आवश्यक समन्वय भइरहेको छ ।
