गीत
स्वाभिमानीले पराइ आस कहिले गर्दैन
दश नङ्ग्रा खियाउंछ अरुको भर पर्दैन
सक्छौ देशको निम्ति केही गरेर देखाऊ
देश टुक्राउने माध्यम हैन देशभक्ति देखाऊ
मनपरेको विचार बोकेर जतिसुकै चिच्याउ
त्यो विचार लादेर अरुलाई घाइते न बनाऊ
स्वाभिमानीले………………..
सक्छौ देशको अस्मिता ज्यान दिएर जोगाऊ
देश खण्डित हुने साधन हैन राष्ट्रियता देखाऊ
आफ्नै मातृभूमि भित्र बेग्लै ठाउं न गराऊ
राष्ट्रियता हराउने खेलमा सहभागी न बनाऊ
स्वाभिमानीले………………
सबै धर्म मध्य मनपरेको धर्म आफ्नो बनाऊ
त्यो धर्मको नाउ मा कोहि कसैलाई न जलाऊ
मर्म सबै धर्मको बुझ्न सक्ने आफुलाई बनाऊ
गरेर सम्मान अरुलाई आफुले सम्मान पाउ
स्वाभिमानीले………………
© कृष्ण बहादुर थापा
