कैलाली, असार ३०: कैलालीकाे जंगलमा बस दुर्घटना हुदा ९ जना घाईते भएका छन् । पूर्वपश्चिम राजमार्ग अन्तरगत कैलालीको बर्दागोरिया गाउँपालिका वडा नम्बर ४ मा पर्ने जंगलमा बस दुर्घटना हुँदा ९ जना समान्य घाईते भएको प्रहरीले जानकारी दिए ।
महेन्द्रनगरबाट बुटवल जादै गरेको ना ६ ख ७१६७ नम्बरको बस दुर्घटनामा परेकाे ईलाका प्रहरी कार्यालय सुख्खडका प्रमुख प्रहरी नीरिक्षक यक्ष राज जोशीले बताए।
दुर्घटनामा घाईते ७ जनाको घोडाघोडी अस्पताल र २ जनाको मुढामा उपचार भइरहेको प्रहरीले जनाएको छ। रड भाँचिदा बस दुर्घटनामा परेको अनुमान गरिएको छ । चालकलाई भने ईलाका प्रहरी कार्यालय बौनियाले नियन्त्रणमा लिइएको बताइएकाे छ।
