काभ्रे, असार २७: लगातार परेकाे पानीका कारण पहिराे खसी घर भत्किँदा काभ्रेमा दुई जनाको मृत्यु भएको छ भने दुई जना घाइते भएका छन् ।
बनेपा नगरपालिका ३ नाला भन्ने स्थानमा खसेको पहिरोले घर किच्दा रामप्रसाद दंगालकी श्रीमती गोमा दंगाल र सात वर्षीया नातिनी सोहनी दंगालको मृत्यु भएको काभ्रेका एसपी जयराम सापकोटाले जानकारी दिए ।
घटनामा रामप्रसादकी बुहारी सुशिला दंगाल र तीन महिनाकी नातिनी अनुष्का घाइते भएका एसपी सापकोटाले बताए ।
